7 правила како да користиме услуги во СПА центар

10 Јун

7 правила како да користиме услуги во СПА центар

 


Последните туристички трендови, комодитетот да патуваме во било кое време од година, како и позитивното влијание врз организмот, ги направија СПА центрите од регионот сè попопуларни и интересни за посета кај бројните нивни туристи.

Било да патувате  во Бугарија, Србија, Словенија, Австрија или пак во нашата земја, дали знаете како правилно да ги користите услугите на еден Велнес и СПА центар?! Без разлика дали водата е минерална, термална или слатка, правилата за користење се горе доле исти.

Многумина грешат на пример кога мокри веднаш по капење во базен, продолжуваат директно во сауна или пак по сауна, одат директно во парно купатило. Еве го идеалниот распоред кој ќе Ви биде од помош во иднина како да уживате во СПА центар на прав начин, одиме со ред;

Прво и основно правило е фактот што упатува на тоа дека тука не сме сами  и потребно е да ја почитуваме туѓата приватност и интимност, треба да сме тивки и со исклучени мобилни телефони.

Солена соба

Додека сме сè уште суви, по доаѓањето во СПА центарот прво ја користиме солената соба. Според истражувањата, таа има позитивно влијание врз дишните патишта.

Еден престој во солена соба е како да сме поминале 3-4 дена на море. Возрасните може да престојуваат во неа и до 40 минути, додека препораката за деца е до 20 минути.

Базен

По солената соба, може да користиме базен. Температурата на затоплените базени е најчесто 28-30⁰C, освен базените со термална  вода која може да биде и потопла.

На Вас останува да одберете дали само ќе се брцнете во базенот или ќе испливате по некој круг. По излегување од базенот, одиме право на туширање.

Туширање

Со туширањето ќе ја исчистиме кожата од базенските хемикалии и нечистотии, не сакаме да дојде до нивно испарување подоцна во сауна. Не заборавајте дека и пред да влезете во базен треба да бидете истуширани, тоа може да го направиме во својата соба пред доаѓањето во СПА.

Така ќе го измиеме телото од трагови на парфеми, дезадоранси и други нечистотии.

Калдариум и тепидариум

Следат топлите клупи, таканаречени калдариум и тепидариум. Тие служат за опуштање на мускулите и загревање на телото пред влез во сауна. Нивната температувра е околу 36-40⁰C,  препорачано е да се користат 15-20 минути.

Сауна

Кога веќе телото се привикнало на повисока температура, време е суви со пешкир да посетиме сауна. Тука ќе се ослободиме од штетните материи наталоженио во организмот и вишокот течност. Сосема е доволно да користиме сауна 15тина минути.

По излез од сауна, следи повторно туширање, со тоа што препорачано е туширање со малку поладна вода заради циркулација.

Ве советуваме никогаш да не користите врела вода после сауна, затоа што така ќе имате повеќе штета отколку корист, важно е телото да се разлади. За дополнително разладување се препорачува и лесно пливање во базен.

Џакузи

И потоа следи неговото височество, Џакузи! На многумина им е омилено, како да нема ништо послатко по користење на сè  што е горе наведено да следи подводна масажа во топла вода. Стресот и напнатоста повеќе не постојат.

Парно купатило 

На самиот крај може слободно да користите парно купатило, по што следи повторно туширање и одмор на лежалки со добра книга, топло чоколадо или чај.

Смарт телефоните иако не се забранети, заради комплетно опуштање подобро да не ги користите додека сте во СПА центар. Сега, кога го знаете најдобриот распоред за користење на Велнес содржините на еден СПА центар, може да ги спроведете на дело.

Ве покануваме да ги погледнете нашите пакет аранжмани  до блиските СПА центри од регионот тука. Секако, доколку имате поинаков редослед и ритуал, може да го споделите Вашето искуство во коментар 🙂


 

Добивај топ понуди


 

Last minute ваучери од 10€ - 30€
* провери е-mail inbox или spam фолдер
Земи сега!