Метаморфозис - место за преродба во вистинска смисла на зборот

4 Јул

Метаморфозис – место за преродба во вистинска смисла на зборот

 


На 5-6 минути од Bianco Olympico Hotel се наоѓа Метаморфозис, мало градче сокриено во густата борова шума од каде се шири карактеристични мириси и ароми на бор, смола и морска сол.

Боровата шума која тука ја има во изобилство и каде природата не се штедела создава посебна микроклима со најдобри карактеристики во Грција.  Поради таквата идеална клима, грчката влада одлучила во Метаморфози да го формира првиот државен детски камп уште во далечната 1978 година, па потоа и уште неколку други на потегот до Bianco Olympico Hotel.

Плажата е чиста, обезбебедена, со тушеви, песочна некаде, а некаде со ситни каменчиња и ја  препорачувам за сите оние кои сакаат мирен ден поминат на плажа.

За носење на одлуката дали ќе го посетите Метаморфозис или не, ќе кажам само едно,  дека е место за сите оние кои сакаат вистински одмор, но во исто време и летувалиште – лекувалиште за сите оние кои имаат желба да ги освежат и опорават своите бронхии и бели дробови, имајќи предвид дека Метаморфозис е дел од најголемата природна воздушна бања во Грција.

Се наоѓа на западниот дел на Ситонија, и припаѓа на оние летувалишта каде што сонцето заоѓа најдоцна. Од Солун е одалечен малку повеќе од 90 километри, а во екот на сезоната има и автобуски линии не само за Солун, туку и кон околните поголеми центри, Неос Мармарас (околу 30 километри) и Никити (5-6 километри од Метаморфозис).

Во Метаморфозис имате продавници и кафулиња и места каде што може да се купи екстра вкусно гиро , пицерии, неколку грчки таверни и неизбежните продавници за сувенири.

Секогаш имајте на ум дека ова е мало градче, кое буквално има неколку улици и многу мал број на места за сместување, така што бројот на продавници и други објекти се апсолутно соодветни за неговата големина. Се разбира, постои и една главна улица, каде што во време на сезона, знае да биде и преполна.

Плажите во Метаморфози и околината

Метаморфозис може да се пофали со исклучително долга плажа, која е практично поделена на два дела. На плажата има туш само во едниот дел. Но, имајте на ум дека ние зборуваме за оддалеченост од буквално неколку минути пешачење.

За да се дојде до делот од плажата каде што има туш морате да се симнете надолу по скалите, што не се стрмни, и предходно ќе пројдете низ преубавиот парк со фонтана која ќе ви биде ориентир. Кога ќе стигнете до тој дел на плажа во Метаморфозис ве очекува  убаво украсен бар на плажа, како и лежалки со чадор. Како и во сите други туристички места во Грција и овде важи истиот принцип на закуп на лежалки и чадори, и во зависност од периодот кога сте на одмор, ќе зависи од тоа дали треба да нарачате еден или два пијалаци.

На плажата има и делови каде што можете да го поставите вашиот пешкир и чадор а плажата е опкружена со борови дрвја со многу природна сенка.

 

Некому може да му биде проблем, а некому  уште една голема сатисфакција тоа што во неколку места во водата има камења, особено во делот кој формално ја дели плажата на два дела. Овој дел од плажата со камења може да биде многу интересен за љубителите на нуркањето кои сакаат да го истражуваат морското дно, бидејќи можат да дојдат до многу интересни школки.

Значи, Метаморфозис може да биде одлична причина за посета на Ситонијаа, но ако се одалечите малку од Метаморфозис, дури и пеш, ќе наидете на вистински плажа со камења и ќе сфатите зошто Ситониа го носи епитетот скриениот бисер  на Грција.

Продавници во Метаморфозис

За одредени поголеми пазарења секако Ви препорачуваме да го посетите маркетот Масутис во Псакудиа, што е само околу 7-8 километри од Метаморфозис. Исто така во Никити постојат два големи супермаркети и тоа Лидл и Масутис, така што секој оној кој оди со сопствен превоз може да заштеди доколку купува во овие маркети.

Инаку, Метаморфозис исто така има и неколку продавници, пиљари, како и рибен пазар и пекарница, таверни, кафулиња и пицерии, а цените се многу слични со цените во другите летувалишта во Ситонија, дури и поевтини.

Што да се види во Метаморфозис и околината

Во градчето несомнено Вие и вашите деца ќе уживате во мирисот на борови дрвја и убаво уредените паркови. Исто така, постојат неколку игралишта во градот само за најмладите гости. Но, можете да одите и да го посетите селото Метагици кое се наоѓа веднаш над Метаморфозис, па дури и да отидете до Солун, Никити, Неос Мармарас, од каде што можете да се возите со брод околу Света Гора

Значи, ако сакате навистина да се релаксирате, да уживате во мирисот на борови дрвја и бистрите води, но, исто така, да се слушне и пеењето на штурците и ако сакате вашите деца да уживаат во многу атракции, кои се дизајнирани само за нив, без страв дека тие ќе се во неволја, ако не сакате да броите колку пати помина камион за ѓубре, ако не сте оптоварени со желбата да се луди журки, тогаш Метаморфозис е дефинитивно едно од најдобрите места во кои можете да го поминете вашиот одмор!

 

Вања


Добивај топ понуди


 

Last minute ваучери од 10€ - 30€
* провери е-mail inbox или spam фолдер
Земи сега!