Псакудиа - најдолгата плажа на Ситонија која мора да ја посетите

3 Јул

Псакудиа – најдолгата плажа на Ситонија која мора да ја посетите

 


На само 5 минути од Bianco Olympico Hotel се наоѓа Псакудиа, малечко селце кое секое лето прераснува во вистинско градче, стратешки добро поставено помеѓу Касандра и Ситонија на околу 80 километри од Солун, во Заливот Торонеос.

Доколку сте љубител на веслањето и кајакот на море, можете од плажата на Bianco Olympico Hotel, да извеслате до плажата на Псакудиа, бидејки двете плажи се споени и ги дели само една мала рекичка која преку лето пресушува.

За Псакудиа често велам дека е како балон, бидејки бројот од околу 300 постојани жители, во текот на летната сезона се зголемува на  5-6 илјади или за над 20 пати.

Плажата е доволно пространа да и во екот на сезоната немате чувство дека е гужва. Можете да останете на плажа до доцна во попладневните часови, бидејќи на оваа страна на полуостровот, сонцето заоѓа малку подоцна, всушност последниот залез на Ситонија е тука.

 

Поголемиот дел од населението е со потекло од соседното село Ормилиа, под чија општина Псакудиа и всушност припаѓа. Гратчето всушност е една улица со десетина ресторани и кафулиња, слаткарница, две мали продавници на шеталиштето и два големи маркети на главниот пат (еден од нив е Масутис каде имате и готови јадења по супер цени).

Повеќето од жителите на Псакудиа се занимаваат со производството на маслинки и маслиново масло со врвен квалитет, кое во текот на сезоната може и да го купите, но сепак главен извор на приход се туристите и туристичките услуги во текот на летото.

Од сместувачките капацитети постојат два поголеми хотели, додека останатите се приватни вили и апартмани. Целото гратче е опкружено со борова шума под која е распослана  4 км долгaта плажa. Иако плажата ja нема познатата Ситонска тиркизна боја, сепак истат e наградувана со Сино знаме, веќе неколку години по ред,

Плажата e песочнa, исклучително чиста, додека водата е топла уште рано наутро. Taa e плитка oколу 30-40 метри, па најмладите можат безбедно да пливаат и уживаат во водените лудории … Оваа плажа е најдолгата детска плажа на Ситонија, како ја нарекуваат мештаните…

Road House beach bar- от  кој е  семеен бизнис повеќе од 30 години, носи малку живот во ова летувалиште. Просторот е дизајниран како мото-бар, каде што се организираат свирки во живо и тематски ноќи. Помеѓу палмите и густата вегетација во овој оригинален бар можете да уживате и да го го испиете познатото грчко Фрапе или пак  некој од освежителните коктели подготвени од љубезниот персонал.

Ова прекрасно летувалиште е како создадено за статичен и пасивен одмор, одлично за семејства со деца и за оние кои сакаат комплетно мирен одмор, без гужва и бучава.

Не се двоумете да ја посетите Псакаудиа, особено ако сте со мали деца.

 

Вања


Добивај топ понуди


 

Last minute ваучери од 10€ - 30€
* провери е-mail inbox или spam фолдер
Земи сега!