Поволностите што дури и кусата прошетка ги носи за вашето здравје се многубројни, особено кога тоа е дневна рутина.

Затоа ве советуваме – „јавнете“ го велосипедот или излезете на прошетка.

За вас издвоивме неколку наоди од универзитетски истражувања кои ги истакнуваат ефектите на прошетката врз вашето здравје и добросостојбата.

Според едно британско истражување, прошетката надвор, во парк или во природа ја намалува анксиозноста. Дури и да трае само неколку минути, таа ќе ги намали стресот, лутината и депресијата, истакнуваат истражувачите.

Една друга студија од Универзитетот во Илиноис истакнува дека луѓето што три пати во неделата излегувале на 45-минутна прошетка имале повисоки скорови на тестот за способности одошто оние што правеле само вежби за растегнување.

Истражувањето на Универзитетот „Ексетер“ посочуваат дека вежбањето, а со тоа и прошетката, го зголемува бројот на ендорфини, а тоа помага да се намали апетитот.

Националната фондација за спиење на САД наведува дека лицата што редовно шетале почесто известувале за подобар сон и општо земено подобро спиеле споредено со лицата што не пешачеле редовно. Движењето поволно влијае врз енергетското ниво во текот на денот, што повратно прави полесно да се спие навечер.

Според Националниот институт за здравје во САД, секојдневната прошетка во времетраење од 30 минути може превентивно да дејствува во однос на срцеви удари, мозочни удари и дијабетес. Вежбањето прави мускулите да се поосетливи на инсулин, а тоа помага да се движи глукозата низ крвотокот. Редовните прошетки и вежбање исто така поволно влијаат и врз крвниот притисок, ја подобруваат циркулацијата на крвта и помагаат да се зголеми нивото на добриот ХДИ-холестерол.

Па затоа не двоумете се, излезете на прошетка и направете го тоа ваша дневна рутина!